Grafið eftir gulli


Það þarf ekki mikið til að gera hversdagslega hluti spennandi. Börnum finnst yfirleitt gaman að dunda sér úti í sandkassa, en það er einfalt að gera sandkassa leikinn að spennandi gullgrafara leik.

Ég keypti notaðann sandkassa í mjög góðu ásigkomulagi og sandinn fékk ég í dótabúðinni. Svo átti ég perlur og skraut sem ég var hætt að nota og blandaði út í sandinn.

Útkoman er spennandi sandkassi og mjög glöð börn sem geta dundað sér endalaust við að grafa eftir silfur fiðrildum, blómum og plast köngulóm.
Og svo er alltaf hægt að gera þetta enn meira spennandi með því að lauma nýjum tegundum af perlum í sandinn án þess að börnin viti af því ;)





~ Nei, það þarf ekki að vera flókið ~

Svo minni ég á snappið mitt sem er opið öllum, svo að ykkur er velkomið að fylgja mér þar ef þið hafið áhuga á að sjá það sem ég er að brasa og bardúsa ;)

Ég heiti Fríða og er þriggja barna móðir og eiginkona og bý í úthverfi Hafnarfjarðar. Ég á einn kött, Rex og einn hund sem heitir Mía. Ég starfa sem sjúkraliði á landspítalanum á Hringbraut. Ég hef áhuga á öllu sem viðkemur hönnun og heimili. Ég baka mikið og finnst ótrúlega gaman að baka og skreyta fallegar kökur. Eins hef ég mikinn áhuga á handavinnu ýmiskonar, þó svo að ég hafi kannski takmarkaðann tíma til að sinna því áhugamáli, eins og staðan er í dag ;) Ég hef hugsað mér að nota þetta blogg til þess að koma frá mér hinum og þessum hugrenningum, ásamt því að setja hér inn færslur þegar ég er að bardúsa eitthvað heima, hvort sem það eru framkvæmdir í húsinu, bakstur, skreytingar heimilisins, undirbúningur jólanna eða hvað það sem ég er að fást við hverju sinni. Ég vona að þið eigið eftir að hafa bæði gagn og gaman af þessu bloggi mínu og hver veit nema ég eigi kannski eftir að veita örfáum lesendum innblástur og hugmyndir. Ég er einnig með opinn snapchat reikning, ef þið hafið áhuga á að fylgjast með mér þar, þá er notendanafnið mitt: fridabsandholt

Ummæli

Skrifa ummæli

Vinsælar færslur