Ofur einfalt bananabrauð


Hver vill ekki uppskrift af ofur einföldu bananabrauði sem tekur stutta stund að hræra í. Það er snilld að geta nýtt banana í þetta sem eru að renna út á tíma, reyndar eru langbest að nota mjög vel þroskaða banana í brauðið, það gerir það léttara og sætara á bragðið.
Þessi uppskrift sem ég henti saman í dag í flýti er bæði einföld og góð og það tekur alls ekki langan tíma að hræra í þetta brauð.


Það sem þú þarft er:

 5stk vel þroskaðir bananar
400gr sykur
550gr hveiti
4 stk egg
2 tsk matarsódi
2 tsk lyftiduft

Aðferð:

 Stappið bananana, þeytið vel saman bönunum, eggjum og sykri.
Hveitinu blandað varlega saman við ásamt lyftidufti og matarsóda og hrært saman við lítinn hraða.

Bakið við 160°c á blæstri í c.a.50 mínútur, eða þar til brauðið er orðið hæfilega dökkt.

Þessi uppskrift er passleg í tvö form sem eru c.a. 30cm x 13cm eða 1,4L


Verði ykkur að góðu.



Ásamt því að skrifa pistla hér á bloggsíðuna mína, þá held ég úti opnum instagram reikningi og ykkur er velkomið að fylgja mér þar ef þið hafið áhuga

Insta:fridabsandholt
Ég heiti Fríða og er þriggja barna móðir og eiginkona og bý í úthverfi Hafnarfjarðar. Ég á einn kött, Rex og einn hund sem heitir Mía. Ég starfa sem sjúkraliði á landspítalanum á Hringbraut. Ég hef áhuga á öllu sem viðkemur hönnun og heimili. Ég baka mikið og finnst ótrúlega gaman að baka og skreyta fallegar kökur. Eins hef ég mikinn áhuga á handavinnu ýmiskonar, þó svo að ég hafi kannski takmarkaðann tíma til að sinna því áhugamáli, eins og staðan er í dag ;) Ég hef hugsað mér að nota þetta blogg til þess að koma frá mér hinum og þessum hugrenningum, ásamt því að setja hér inn færslur þegar ég er að bardúsa eitthvað heima, hvort sem það eru framkvæmdir í húsinu, bakstur, skreytingar heimilisins, undirbúningur jólanna eða hvað það sem ég er að fást við hverju sinni. Ég vona að þið eigið eftir að hafa bæði gagn og gaman af þessu bloggi mínu og hver veit nema ég eigi kannski eftir að veita örfáum lesendum innblástur og hugmyndir. Ég er einnig með opinn snapchat reikning, ef þið hafið áhuga á að fylgjast með mér þar, þá er notendanafnið mitt: fridabsandholt

Ummæli

Skrifa ummæli

Vinsælar færslur