Kjúklingur í sweet chilli sósu

Ég hef ekki alltaf mikinn tíma til að elda, aldeilis ekki. Og þá finnst mér gott að geta gripið í eitthvað ofur einfalt eins og þennan kjúklingarétt.

Hann er sjúklega góður með hrísgrjónum og baquette brauði.

Hér kemur svo uppskriftin, ef uppskrift mætti kalla ;)

Það sem ég nota í réttinn er kjúklingur, mér finnst best að nota kjúklingabringur eða lundir sem ég sker niðurí litla bita, Sweet chilli sósa, niðurskorin paprika og púrrulaukur. Það er líka gott að nota niðurskornar gulrætur. En ég nota oft bara það grænmeti sem ég á í ísskápnum.




Kjúklingurinn skorinn niður og steiktur á pönnu.

Púrrulauk og papriku bætt útí.

Og að lokum sósunni hellt yfir. Það er misjafnt hvað fólk vill hafa réttinn bragðmikinn, svo að magnið af sósunni fer bara eftir því.

voilà


Ásamt því að skrifa pistla hér á bloggsíðuna mína, þá er ég líka með instagram og eins held ég úti opnum snapchat reikningi og ykkur er velkomið að fylgja mér þar ef þið hafið áhuga.

Insta: fridabsandholt


Snap:fridabsandholt


Ég heiti Fríða og er þriggja barna móðir og eiginkona og bý í úthverfi Hafnarfjarðar. Ég á einn kött, Rex og einn hund sem heitir Mía. Ég starfa sem sjúkraliði á landspítalanum á Hringbraut. Ég hef áhuga á öllu sem viðkemur hönnun og heimili. Ég baka mikið og finnst ótrúlega gaman að baka og skreyta fallegar kökur. Eins hef ég mikinn áhuga á handavinnu ýmiskonar, þó svo að ég hafi kannski takmarkaðann tíma til að sinna því áhugamáli, eins og staðan er í dag ;) Ég hef hugsað mér að nota þetta blogg til þess að koma frá mér hinum og þessum hugrenningum, ásamt því að setja hér inn færslur þegar ég er að bardúsa eitthvað heima, hvort sem það eru framkvæmdir í húsinu, bakstur, skreytingar heimilisins, undirbúningur jólanna eða hvað það sem ég er að fást við hverju sinni. Ég vona að þið eigið eftir að hafa bæði gagn og gaman af þessu bloggi mínu og hver veit nema ég eigi kannski eftir að veita örfáum lesendum innblástur og hugmyndir. Ég er einnig með opinn snapchat reikning, ef þið hafið áhuga á að fylgjast með mér þar, þá er notendanafnið mitt: fridabsandholt

Ummæli

Skrifa ummæli

Vinsælar færslur