Skinkuhorn
Um daginn bakaði ég þessi lúnamjúku og bragðgóðu skinkuhorn og vil endilega deila uppskriftinni af þeim með ykkur.
Þessi skinkuhorn eru líka tilvalin fyrir börnin í skóla-nestið.
En hér kemur uppskriftin:
c.a. 32 stk.
Hráefni:
7,5 dl. volg mjólk
300 gr mjúkt smjörlíki
3 tsk sykur
3 tsk salt
1500 gr hveiti
1 bréf þurrger
c.a. 10 sneiðar skinnka, smátt skorin
c.a. 1,5 dós smurostur með skinnku
c.a. 1 poki rifinn ostur
2 egg til penslunar
Aðferð:
Þurrefnin sett í skál og blandað varlega saman, mjólkin hituð (c.a. 35 °c) og mjólkinni ásamt mjúku smjörlíkinu og gerinu bætt út í og hnoðað saman. Ég nota krókinn á hrærivélinni minni til að hnoða deigið, en það er auðvitað alveg jafn gott að hnoða það í höndunum. Gott er að hnoða fyrst á hægum hraða og auka svo hraðann. Hnoðið vel saman og látið deigið hefast vel á volgum stað.
Mér finnst gott að setja plastfilmu eða rakt viskastykki yfir skálina og láta hana í eldhúsvaskinn sem ég hef fyllt af heitu vatni og láta deigið hefast þar.
Takið svo deigið úr skálinni og setjið á borðið, gott er að strá smá hveiti yfir borðplötuna svo deigið festist ekki við hana. skiptið deiginu í 4 jafn stóra hluta, hnoðið því varlega saman í kúlu og fletjið deigið út eina kúlu í einu.
Þegar búið er að fletja deigið út er það skorið í 8 jafn stóra þríhyrninga (eins og pizza sneiðar)
Fylling:
Setjið c.a. hálfa til eina teskeið af smurosti á breiðasta hluta þríhyrningsins, þar á eftir set ég niðurskorna skinkuna og svo örlítinn rifinn ost yfir allt saman.
Að lokum rúlla ég upp hornunum og byrja á breiðasta hlutanum og um leið passa ég að fyllingin sé eins innarlega á horninu og ég get.
Hornunum er svo raðað á bökunarplötu (ég set alltaf bökunarpappír á plötuna)
Ég enda svo á að pensla hornin með eggi sem ég hef pískað saman í skál.
Hornin eru svo bökuð við 180°c á blæstri í c.a. 10-12 mínútur, eða þar til hornin eru orðin fallega gullin að lit.
Fletjið degið út og skerið í þríhyrininga
og setjið smurostinn á.
Því næst er skinnka sett ofan á smurostinn
Og að lokum örlítið af rifnum osti.
Hornunum er rúllað upp, byrjað á breiða endanum.
Penslað með eggi oh
bakað við 180°c í 10-12 mín.
Ummæli
Skrifa ummæli