Súper einfalt og gott "jóla" konfekt



Mér finnst mjög gaman að undirbúa jólin, setja upp jólaljós, skreyta, baka og að sjálfsögðu búa til konfekt.

Þetta konfekt er ótrúlega einfalt og á sama tíma mjög gott. Hver elskar ekki allt sem er bæði einfalt og gott ;)



Það sem ég nota í konfektið er: 
c.a. 400 gr. marsípan
c.a. 100 gr. nougat
200 gr. súkkulaðihjúpur
Kökuskraut að vild
(dugar í c.a. 55 kúlur)


Nougatið er skorið í litla ferninga, marsípan sett utanum og rúllað í hæfilega stórar kúlur. Súkkulaðihjúpurinn er bræddur yfir vatnsbaði. dýfið kúlunum í súkkulaðið og hyljið kúlurnar vel með súkkulaðinu. Látið mesta súkkulaðið renna af og setjið á smjörpappír. Dreifið kökuskrauti yfir kúlurnar áður en súkkulaðið harðnar.

Að lokum eru kúlurnar settar í kæli og geymdar það í lokuðu íláti.


Ég heiti Fríða og er þriggja barna móðir og eiginkona og bý í úthverfi Hafnarfjarðar. Ég á einn kött, Rex og einn hund sem heitir Mía. Ég starfa sem sjúkraliði á landspítalanum á Hringbraut. Ég hef áhuga á öllu sem viðkemur hönnun og heimili. Ég baka mikið og finnst ótrúlega gaman að baka og skreyta fallegar kökur. Eins hef ég mikinn áhuga á handavinnu ýmiskonar, þó svo að ég hafi kannski takmarkaðann tíma til að sinna því áhugamáli, eins og staðan er í dag ;) Ég hef hugsað mér að nota þetta blogg til þess að koma frá mér hinum og þessum hugrenningum, ásamt því að setja hér inn færslur þegar ég er að bardúsa eitthvað heima, hvort sem það eru framkvæmdir í húsinu, bakstur, skreytingar heimilisins, undirbúningur jólanna eða hvað það sem ég er að fást við hverju sinni. Ég vona að þið eigið eftir að hafa bæði gagn og gaman af þessu bloggi mínu og hver veit nema ég eigi kannski eftir að veita örfáum lesendum innblástur og hugmyndir. Ég er einnig með opinn snapchat reikning, ef þið hafið áhuga á að fylgjast með mér þar, þá er notendanafnið mitt: fridabsandholt

Ummæli

Skrifa ummæli

Vinsælar færslur